Qırımtatar ustaları iqtisadiyat, medeniyet, tasil ve turmuşta etnik üslüpni canlandıra. Fevralniñ 4-ünde Aqmescitte Qırım ilmiy kitaphanesinde "Qırım. Sevgi ile" sergisi açıldı. Onıñ müellifi - Ukrainada nam qazanğan ressam, Gasprinskiy adına mükâfatnıñ laureatı - Mamut Çurlu. O, leyhanıñ esas maqsadı - qırımtatar sanatında saqlanılğan özgün Qırım medeniyetini sevgen ressam ve sanatkârlarnıñ birleşrimesi, dep qayd ete. Sergide çeşit üslüplerde yapılğan eserler numayış etildi. Mında çölmekçilik ve nağış, el toqucılığı, qoqlalar, grafika eserleri, cam resimleri, terek ve kâğıtta resim, maden, ağaç ve kiyizden işler kösterildi. Qırım.Aqiqat mühbiri sergige barıp, onıñ süretlerini çekti.
Altın nağış ve divar pannoları: qırımtatarlar etnik üslüpni canlandıra (süret toplamı)
1
Mamut Çurlu - Ukrainada nam qazanğan ressam, Gasprinskiy adına mükâfatnıñ laureatı - sergini açılışını azırlay
2
Hatice Yunusova ve Lilâ Kaişeva fes ve çantanı nağışladı
3
Hatice Yunusovanıñ tatar işleme usulındaki maraması
4
Sergide olğan daa bir nağışnıñ örnegi
5
Svetlana Kuzmenkonıñ ağac qoqlaları
6
Ali Umerov yapqan qız quşağı
7
Cezve - qave pişirme savutı. Müellifi - Refat Kurtveliyev
8
Qave qırımtatarlarnıñ sevimli içimligi sayıla. Qırımlılarnın evlerinde cezveden ğayrı qave taqımları da bar. Bunı minadan yaptılar. Usta - Aziz Velilâyev
9
Minadan "Qırım gemisi" tepsisi. Müellifi - Ediye Mustafayeva
10
Savuttan ğayrı sergide dekorativ pannolar da bar. Müellif - Zeynab Aliyeva
11
Bundan ğayrı çölmekçilik sanatını nümüneleri de bar
Facebook Forum