Ukrayina ve Rusiyede yapılğan fotoresimlerde soñki aftaları uçucısızlarnıñ darbelerinden bazıları kösterilgen. Olar Saudiy Arabistandaki muzakerelerde energetika infrastrukturasına qarşı ücümlerni toqtatmaq maqsadınen ateşni qısmen toqtatıluvı aqqında añlaşılğan soñ endirildi
Ateşniñ qısmen toqtatıluvı: barışıq muzakereleri haberlerinden soñ Ukrayina ve Rusiyedeki kerçekler
1
Kyiv civarındaki Ğostomelde soqaq martnıñ 19-nda gece ücüminden soñ.
Martnıñ 18-nde ateşniñ qısmen toqtatıluvı aqqında ilân etildi, Kreml ABD prezidenti Donald Trump ve Rusiye prezidenti Vladimir Putinniñ telefon subetinden soñ «energetika ve infrastruktura» obyektlerine qarşı ücümlerni toqtatmağa vade etken edi
2
Martnıñ 19-nda Sumı vilâyetiniñ Krasnopillâ qasabasında hastahanege açılğan ateşten soñ qurtarıcılarnıñ işi.
Martnıñ 18-nde Ukrayina ve Rusiyenen bağlı telefon subetinden soñ bir sıra darbe endirildi
3
Rusiyeniñ Krasnodar ülkesinde martnıñ 19-nda uçucısızlarnıñ ücüminden soñ «Kavkazskaya» cermay bazasında yanğın.
Martnıñ 24-nde anbar binası daa yana edi
4
Ukrayina arbiyi martnıñ 19-nda Rusiye esirliginden azat etilgen soñ telefonda tuvğanlarınen laf ete.
Trump ve Putin telefonda laf etken soñ cenk esirlerini deñşüv oldı – subet vaqtında aytılğan edi. Rusiye ve Ukrayina «175-ke 175» formulası boyunca esirlerni deñişti
5
Martnıñ 19-nda Ukrayina tarafından azat etilgen Rusiye askerleri
6
Kropivnıtskıy şeeri martnıñ 20-nde soñki yılları dronlarnıñ eñ büyük ücümine oğrağan soñ çoq daireli ev sakinleri yıqıntılarnı toplay.
Martnıñ başında Ukrayina barışıq muzakereleri vaqtında ateşni bütünley toqtatmağa razı oldı, amma bu teklif Rusiye tarafından red etildi.
7
Rusiye raketa tertibatı martnıñ 20-nde Ukrayina mevzilerine ateş aça. Rusiye ateşni bütünley toqtatmaqtan vazgeçken soñ cebede uruş areketleri barışıq muzakereleri vaqtında devam ete
8
Martnıñ 20-nde ava bazasında silâ anbarına qarşı Ukrayina uçucısızlarınıñ darbesinden soñ Engelsteki Rusiye ava bazası üstünde ateş mantarı
9
Martnıñ 23-nde Rusiyeniñ daa bir ücüminden soñ Kyivdeki dairede yanğın.
Ukrayina akimiyeti bildirgenine köre, martnıñ 22-23-nde Kyivge qarşı darbeler neticesinde üç kişi elâk oldı, şu cümleden beş yaşında qızçıq ve babası.
Rusiye ve Amerika vekilleri arasında soñki muzakereler martnıñ 24-nde Er-Riyadda (Saudiy Arabistan) keçti