ABD Devlet departamenti bildirgenine köre, Ukrayina ve Rusiye cenkni bitirecek «tam ğayelerni» taqdim etecek vaqıt keldi.
«Kâtip (devlet kâtibi Marco Rubio – QA) tam bir şekilde üslübimiz deñişken vaqıtta bu işke qoşqan issemizniñ usulları deñişecegini añlattı, çünki aracı olmaycaqmız. Deñişmelerniñ manası şu ki, biz olmaycaqmız – ebet, bu işke sadıq qalacaqmız – amma aracı körüşüvlerini keçirmek içün bütün dünyanı dolaşmaycaqmız, eki tarafnıñ işi, bu zıddiyet nasıl bitecegine dair ğayelerni tüşünip taqdim etmege vaqıt keldi. Bu olarğa bağlı», – dep ayttı ABD Devlet departamentiniñ spikeri Tammy Bruce brifingde.
Onıñ qayd etkenine köre, Washington Putinniñ sözlerine degil, areketlerine qulaq asa.
«Devlet kâtibi Putinniñ aytqanlarına degil, areketlerine diqqat etkenimizni añlatqandır. Ve o, tam müddetlerni ayttı. Aftalar evel bu aftalar edi; bir qaç kün evelsi – künler, bu qarar alınacaq afta olur dep», – dedi ABD Devlet departamentiniñ spikeri.
Soñki aylar devamında Washington Rusiye ve Ukrayina arasında cenkni toqtatuv ğayretlerini faalleştirdi. ABD prezidenti Donald Trump aprelniñ 25-nde Ukrayina ve Rusiyeni cenkni bitirüv añlaşmasını tizmek içün yüksek seviyede muzakereler içün körüşmege çağırdı. Beyaz Saray vekili Steven Witkoff Moskvada Rusiye prezidenti Vladimir Putinnen körüşken edi.
ABD Devlet kâtibi Marco Rubio aprelniñ 27-nde bildirgenine köre, Rusiye ve Ukrayina arasında barışıq añlaşması yaqın vaqıtta tizilmeli, Washington ise aracılıq yapmağa devam etmeli añlamağa istey. Trumpnıñ memuriyeti ilerilevni ne qadar beklemege azır aytmadı.
Aprelniñ 30-nda Ukrayina Tış işler naziri Andriy Sıbiğa bildirgenine köre, Ukrayina Rusiyeniñ «barışıq populizmine degil, barışıqqa ketken qıyın yolğa» azır olğanını körse, er angi formatta barışıq muzakerelerine azır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.