«Biz olğance – olar ğalebe qazanamadı». Qırımdaki gizli tirenüv nasıl areket ete (video)

«Qırım – Ukrayinadır» yazuvlı şiarları, «Rusiyeni sevmegenler firqası» risaleleri ve dağ töpesinde Ukrayina bayraqları – Ukrayinanıñ gizli areketi keçirgen aktsiyalarnıñ qısqa cedveli. Qırımnıñ Rusiye ilhaqına razı olmağan ve Ukrayina tirenüvine qoşulmaq istegen qırımlılarnıñ sayısı er kün arta, dep ayta partizanlar. Qırım.Aqiqat Qırımda areket etken «Sarı şerit» ve «Yaman mavka» areketleriniñ vekillerinen laf etti. Qırımda ukrayin tilini nasıl ögreneler, aktsiyalarnı ne içün teşkil eteler ve Qırımnıñ işğalden azat etilüvine inanmağa nasıl devam eteler?