Ukrayina Silâlı quvetleriniñ Ava küçleri malümatına köre, mayısnıñ 2-ne keçer gecesi Rusiye arbiyleri 150 darbe uçucısızı ve taqlit uçucısızı Rusiyeniñ Brânsk, Primorsko-Ahtarsk rayonlarından ve işğal etilgen Qırımdaki Çauda burnundan ücüm etti. Bu aqta mayısnıñ 2-nde Ukrayina Silâlı quvetleri Ava küçleriniñ Telegram kanalında aytıla.
Ukrayina arbiyleri bildirgenine köre, Rusiye gece Ukrayinağa ücüm etken 64 darbe dronını qullandı. Daa 62 Rusiye taqlit uçucısızı coyuldı (menfiy aqibetleri olmadı).
Ukrayina arbiyleri qayd etkenine köre, Rusiye ücümi neticesinde Donetsk vilâyeti, Dnipropetrovsk vilâyeti ve Zaporijjâ zarar kördi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.