Qırım Milliy Meclis reisiniñ muavini Ayder Acimambetov Ravil Gaynutdinovnıñ eki künlik programması aqında malümat berdi.
Fevral 27 kününden başlap Qırımnıñ çeşit qırımtatar qasabalarında yerli sakinler gece patrullerni teşkil ettiler. Böyle tedbirlerde eñ faal iştirak etkenlerniñ arasında Akmeçet qasabanıñ sakinleri oldılar.
27 mart künü Akmescitke, Qırım müftiy Emirali Ablayevniñ davetnamesine köre, Rusiye müftiyat Radasınıñ reisi Ravil Gaynutdit keldi. Rusiye musafiri Aqmescitteki Kebir-Camini ziyaret etti.
Advokat Nariman Abdureşitov aytqanına köre, bir tertibat qanundan başqa tertibatqa keçüv – bu devamlı ketişattır. Bu deñişmege eki ay kerek olur.
Qırım akimiyeti Rusiye pasportlarını almaq içün vesiqalarnı teslim etüv esnasını toqtattı. Endiden soñ Rusiye vatandaşı pasportını almaq içün mesken-işletüv birleşmelerine (JEO) muracaat etmek kerek. Anda ise cedvel boyunca büyük bir nevbetler bar. Bazı grajdanlar gece kelip, nevbette yerini alalar.
Bütün «Ukrpoçta» bölüklerinde pensiyanı almaq içün balaban nevbetler tizildi. Bir qaç insanlar öz pensiyanı aldılar, amma çoqusı ne vaqıt öz paranı alacaqlarni bilmeyler. Bir qaç poçta bölüklerinde adamlar özlerini pek basqıncı tutalar.
25 mart künü qırımtatar milliy Meclisı qırım cemat teşkilâtlarınen körüştiler. Merasimde Rusiye memleketinde qırımtatarlarnıñ taqdiri aqqında laf ettiler . Meclis reisi Refat Çubarov aytqanına köre içtimaiy-siyasiy vaziyet aqqında kelecek Qurultay toplaşuvında muzakere etilecek.
