Taş tarihi: qırımlı, Qırımnıñ etnik mimarlığında biznes qurğanı aqqında (video)

Qırımtatar Eldar Taştan, qaburçaq taşından öz icadını yaptı. 90-ıncı yıllarda para qazanmağa tırışqanda, o, Qırımniñ etnik mimarlığınen bağlı biznes yaptı. Böylece, o, ananeviy qırımtatar taş oymasınen oğraşıp başladı. Vaqıt keçkeninen, Eldarnıñ qazanmaq istegi, qadimiy qırımatatar mimarlıq tehnikasını ğayrıdan qullanmaq ıntıluvına çevirildi. Başından onı, eski qırımtatar evçikleri saqlanılıp qalğan Kefe, Yalta, Sudaq binalarınıñ etnik çizgileri ilhamlandıra edi. Şimdi ise, Eldarnıñ zametinen, o üslüpte bezetilgen evler Aqyar, Bağçasaray, Odessa, Harkiv, Kyiv soqaqlarını yaraştıra. Taştannıñ ise sadece binalarnıñ ananeviy bezetilmesinen bitmey, o, üner aqqında olğan, amma coyulğan bilgilerni qıdıra ve toplay. İleride şu resimlerden, shemalardan bir kitap tertip etecek ola.