«Terazede Qırım». ABD Ukrayinağa ne teklif ete ve bunıñ neticesi ne? (video)
ABD ve Ukrayina prezidentleri Donald Trump ve Volodımır Zelenskıy Pope Francisniñ cenazesi ögünde Vatikanda körüştiler. Beyaz Saray subetni semereli dep adlandırdı. Bu körüşüvden evel Rusiye ve Ukrayina arasında barışıq añlaşmasınıñ çeşit variantları aqqında bir sıra beyanat yapılğan edi. Qırım statusınıñ muzakere etilüvi keskin munaqaşağa yol açtı. Yarımada ABD içün muzakere esnasında mania olacaqmı? Ukrayina ve Avropanıñ işğal etilgen yarımadanen bağlı fikirleri oña nasıl tesir ete? Qırımnıñ işğalden azat etilüvi nasıl olacaq, cenkmi yoqsa diplomatik yolmı olacaq? Bu aqta Qırım.Aqiqat Radiosınınıñ yayınında Mudafaa strategiyaları merkeziniñ diplomatı ve eksperti Aleksandr Hara, Milliy buhran ile küreş gruppasınıñ ortağı, siyasetşınas Taras Zagorodnıy ile laf ettik.