Canköyde Rusiye telükesizlik hadimleri keçken künü aqşam qırımtatar, cerrah Hayet Hocarihimovnıñ "evni baqıp çıqtılar", büyük ihtimalnen bu çaqma sebebinden olğan şey. Bu aqta QIRIM.News neşrine Qırımtatar Milliy Meclisi reisiniñ birinci muavini Nariman Celâl bildirdi.
"Davet etilmegen musafirlerniñ ziyaretinden soñ belli olğanı kibi, olar Hocarihimovğa qarşı yazılğan çaqma sebebinden kelgenler. Bu seferki ziyareti qısqa edi ve ciddiy aqibetleri olmadı. Amma biz işğalci akimiyetke Ukrayinada vatandaşlarımızğa nisbeten yapılğan bütün qanunsız areketleri közetilgenini köstermek içün açıqtan cevap berdik. Teessüf ki, işğalde çaqmalar kerçekliktir", — dep bildire Celâlnıñ aytqanlarını neşir.
Kim ve ne sebepten yazğanını aytmaylar. Rusiye quvetçileriniñ bu vaziyetke dair resmiy izaatları da yoq.
Bundan evel Qırımtatar resurs merkezi, 2025 senesiniñ birinci kvartalında işğal etilgen Qırımda 13 tintüv qayd etildi, olardan 7-si tamır qırımtatar halqınıñ evlerinde keçirildi, dep bildirgen edi.
QRM-nde qayd ettiler ki, tintüvler vaqtında Rusiye quvetçileri zarar körgenlerniñ aqlarını bozalar, hususan, mülkke zarar ketirilmesi, ev saibiniñ olmağan yerinde tintüvler keçirilmesi, yasaq etilgen edebiyatnıñ qoyulması qayd etildi.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
