Rusiye arbiyleri quralaynıñ 1-ne keçken gecesi Qırımdan Ukrayinağa beş "İskander-M" ballistik raketasınen, em de Rusiyeniñ Kursk, Millerovo, Orla, Primorsk-Ahtarsk rayonlarından ve ilhaq etilgen Qırımnıñ Çauda burnundan 170 uçucısız uçaq ve diger tipte uçaqlarnen ücüm etti, dep bildirdi Ukrayina Silâlı Quvetleriniñ Ava quvetleri.
"Saba saat 08:30-nıñ malümatına köre, Şarq, Şimal, Cenüp ve Merkeziy qısımlarda "Şahed" tipindeki 74 arbiy uçucısız uçaqnıñ tüşürilüvi tasdıqlandı. 68 duşman uçucısız uçaq-imitatorları "lokatsiyadan ğayıp oldı", — denile beyanatta.
Ukrayin arbiyleri qayd etkenine köre, ücüm neticesinde Odesa, Harkiv, Sumı, Donbas ve Kıyiv şeerleri zarar körgen.
Ukrayina Arbiy-deñiz quvetleriniñ ava quvetleri quralaynıñ 1-ne keçken gecesi Rusiye arbiyleri Ukrayinağa beş "İskander-M" ballistik raketa, em de 170 uçucısız uçaq ve diger tipli dronlarınen ücüm etti, dep bildirdi.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
RF reberligi, Rusiye ordusı büyük cenk vaqtında Ukrayina şeerleri ve köyleriniñ grajdan infrastrukturalarına maqsatlı darbelerini endirip, ealini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
