İşğal etilgen Qırımda "Sarı şerit" iştirakçileri yañı qarşılıq aktsiyasını teşkil etip keçirdiler. Aqyar, Aqmescit ve Kezlev soqaqlarında sarı şeritler ve "Qırım Ukrainadır" yazısı ile levhalar tarqatılğan. Bu aqta areket öz Telegram kanalında bildire.
"Sarı şerit" areketiniñ faalleri sayesinde Qırımda yañı ukrayin timsalleri peyda oldı, şu cümleden, Aqmescitteki Bugara ve Parnikova soqaqlarında, Kezlevdeki Gorkiy yalısında ve Aqyarnıñ bir çoq soqağında. İşğalciler ne yapsa da, muqavemet timsalleri yarımada boyunca tekrar-tekrar peyda ola. Çünki Qırım ZSU-nı bekley", — dep aytıla beyanatta.
"Sarı şerit" teşkilâtı — Rusiyeniñ vaqtınca işğal etken Ukrayina topraqlarında ukrayinlerniñ tirenüv areketidir. Areket teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyet eñ faaldir, hususan Aqmescit, Yalta, Kezlev ve Kefede, soñki vaqıtları olarğa kiçik şeerlerniñ Simeiz, Balıqlava sakinleri de qoşulmağa başlağan.
Areketniñ eñ belli aktsiyalarından biri — sarı şeritlerniñ asılması ve yarımadada "Qırım Ukrainadır" yazısı ile plakatlarnıñ yapıştırılmasıdır. Öz vaqtında faaller Boyko dağına ukrayin bayrağını köterip tiklegen ediler.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
